Қандай жағдайларда сот-сараптамалық қаржылық-бюджеттік зерттеу қажет?

Сот-сараптамалық қаржылық-бюджеттік зерттеу сот-экономикалық сараптаманың бір түріне жатады, салық салу мақсатында салық төлеушінің қызметін толық зерттеуге және талдауға, кәсіпорынның мемлекеттік бюджетпен өзара қарым-қатынасы бойынша қызметін талдауға мүмкіндік береді.

Сарапшы нені зерттейді?

• бастапқы және бухгалтерлік құжаттар, салық және бухгалтерлік есеп саясаты;
• шарттар, шот-фактуралар, жүкқұжаттар, орындалған жұмыстар актілері, пайдалануға беру актілері, есептен шығару актілері және өзге де құжаттар.
• салық есептілігінің нысандары;
• бюджет қаражатын мақсатты пайдалану жөніндегі құжаттар (құжаттар, келісімдер, өтінімдер және басқалар);
• мемлекеттік бюджетпен қарым-қатынасқа қатысты басқа құжаттар.

Сот-сараптамалық қаржылық-бюджеттік зерттеу кезінде қандай міндеттер шешіледі?

•   Салықтық және өзге де міндеттемелер шеңберіндегі бюджет алдындағы қарыздардың барын немесе жоғын анықтау;
•       бюджеттік қаражаттардың мақсатты пайдаланылғанын анықтау;
•       іс үшін маңызы бар өзге де қаржы-бюджеттік операцияларды зерттеу.

Осы сараптама шеңберінде мынадай мәселелер шешіледі:

1. бюджетке төленетін салықтар мен басқа да міндетті төлемдердің (салық пен міндетті төлемнің түрін, зерттеу кезеңін көрсете отырып) мөлшері қаңдай;
2.       бюджетке төленген/төленбеген салықтар мен басқа да міндетті төлемдердің (салық пен міндетті төлемнің түрін, зерттеу кезеңін көрсете отырып) мөлшері қандай;
3.       бюджетке төленетін салықтар мен басқа да міндетті төлемдерге (салық пен міндетті төлемнің түрін, зерттеу кезеңін көрсете отырып) қоса есептелуге жататын сомасы қандай;
4.       бөлінген бюджеттік қаражаттардың нысаналық мақсатын анықтау;
5.       іс үшін маңызы бар және сарапшының құзыретіне жататын өзге де сұрақтар.