Портреттік сараптама (габитология) — мақсаты адамды сәйкестендіру немесе оның жеке сипаттамаларын (жынысы, жасы және т.б.) фотосуретке немесе бейнежазбаға түсірілген сырт келбеті бойынша анықтау болып табылатын криминалистік сот сараптамасының түрі.

Сарапшы-габитолог нені зерттейді?

• тірі адамдар мен мәйіттердің фотосуреттерін;
• өзге объектілердегі адамдардың бейнелерін (портреттер, суреттер);
• сараптамалық зерттеуге арналған үлгілерді.
• сараптама мәніне қатысты қылмыстық іс материалдарын;

Қандай жағдайларда портреттік сараптаманы жүргізу қажет?

• іздестіріліп жатқан қылмыскердің және күдік тудырған адамның сыртқы келбеті белгілерінің ұқсастығын немесе айырмашылығын анықтау кезінде;
• хабар-ошарсыз жоғалған адамның және мәйіттердің немесе тірі адамдардың фотосуреттеріне түсірілген белгілердің ұқсастығын немесе сыртқы келбетінің айырмашылығын анықтау кезінде;
• хабар-ошарсыз жоғалған адамның және жасырынған қылмыскердің сыртқы келбетінің ұқсастығын немесе айырмашылығын анықтау кезінде;
• әртүрлі тұлғаларға рәсімделген бірнеше құжаттардағы фотосуреттердегі тұлғалардың сыртқы белгілерінің ұқсастығын немесе айырмашылығын анықтау кезінде;
• танылмаған адамдардың мәйіттерінің жеке басын анықтау кезінде.