Өсімдік тектес объектілерді сот-сараптамалық биологиялық зерттеуі объектінің табиғатын, оның таксономиялық (топтық) тиістілігін, сондай-ақ ботаника, биология саласындағы және жаратылыстану-техникалық ғылымдардың әртүрлі салаларындағы арнаулы ғылыми білімдер негізінде анықталатын диагностикалық, жіктеушілік және сәйкестендірушілік сипатындағы нақты мән-жайларды анықтау үшін жүргізіледі.

Объектілер:

• табиғи (өзгермеген) тұтас өсімдіктер және олардың бөліктері — сабағы, жапырақтары, тамыры, гүлдері, жемістері, тұқымы, тозаңы, қабығы, сүрегі;
• зерттелетін жер теліміндегі табиғи ландшафтыны құрайтын өсімдіктер жиынтығы;
• адамның өндірістік қызметіне байланысты немесе төтенше жағдайлар (су тасқыны, сел, құрғақшылық, өрт) нәтижесінде туындаған жердің зерттелетін учаскесінің жасанды ландшафтын құрайтын өсімдіктер жиынтығы (саябақтар, саяжай учаскелері, демалыс аймақтары);
• өсімдік жамылғысы бар жер учаскесі;
• зерттелетін учаскеден тыс алынған өсімдіктердің бақылау үлгілері;
• өсімдік тіршілігінің өнімдері — шайыр, сүт шырыны, тозаң, крахмал, жемістер;
• ағаштан жасалған бұйымдар, сабандар, өрілген жиһаз, темекі және темекі бұйымдары;
• өсімдік шикізатын қайта өңдеу өнімдері: құрама жем, сүрлем массасы, астықты қайта өңдеу өнімдері, ұн, қағаз, ағаш үгінділері, пішен және т. б.;
• көгерген саңырауқұлақтар, үй саңырауқұлақтарынан зардап шеккен ағаш құрылымдары;
• сараптама мәніне қатысты іс материалдары — оқиға болған жерді қарап шығу, объектілерді өсімдіктер табиғатының сараптамалық зерттеулері мен бақылау үлгілері үшін алу хаттамалары.