Өрт-техникалық сараптамасы нақты деректерді, өрттің пайда болу, даму жағдайларын және ауыр зардаптардың туындауын анықтау үшін жүргізіледі.

Өрт жағдайларын сот-сараптамалық зерттеу объектілері болып не табылады?

• өрттің болған орны;
•       жоғарғы температураның әсер етуіне ұшыраған ғимараттар мен имараттардың құрылымдық элементтері мен бөліктері;
•       өрт болған жерден табылған заттар, материалдар, бұйымдар, жылу жабдықтары;
•       өрттің пайда болуымен себептік байланыста болуы мүмкін электр сымдары, электрқорғағыш аппаратура, электр арматурасы мен басқа да электр аспаптары;
•       балқудың іздері бар электр сымдары мен кабельдердің үзінділері;
•       оларға қатысты, жанудың бастамашысы болған жанғыш және тез тұтанатын сұйықтықтардың іздері болуы мүмкін деп жорамалданған әр түрлі тасымалдағыш-заттар;
•       салыстырмалы зерттеулер мен модельдік сараптамалық эксперименттер жүргізуге арналған үлгілер;
•       сараптама тақырыбыны қатысты іс материалдары жатады.

Өрт жағдайларын зерттеу арқылы шешілетін міндеттер:

•   бастапқы жанудың пайда болған орнын анықтау (өрт ошағы, жанудың таралу бағыты, өрттің ерекшеліктері); жанудың пайда болу мен даму механизмін анықтау; өрттің пайда болуы мен дамуына себепші болған жағдаяттарды табу.

Шешімі өрт-техникалық сараптамалар құзыретінің шегінен шығатын мәселелер:

1. лауазымды тұлғалардың қайсысы объектідегі өрт қауіпсіздігін сақтау міндетіне жатады;
2. өрттің тікелей себебі неде;
3. өртеу жасалды ма және қалай;
4. өртті сөндіру кезінде белгілі бір адамдар іс-әрекеттерді дұрыс орындады ма.