Құжаттарды сот-техникалық зерттеу құжаттарды дайындау мән-жайларын: деректемелерді (қолдарды, мөрлерді, мөртабандарды) салу, жабдықтарды, материалдар мен заттарды пайдалану ерекшеліктерін анықтауға бағытталған.

Құжаттарды сот-техникалық зерттеу қандай жағдайларда қажет?

• • хат материалдарының қасиеттеріндегі және құжаттар деректемелерінің белгілеріндегі нақты мәліметтерді анықтау;
  • құжаттарды дайындау жағдаяттары;
  • құжаттардағы өзгертулерді енгізу тәсілдері;
  • құжаттарды дайындау немесе оларға өзгертулер енгізу үшін пайдаланылған заттар мен материалдар туралы нақты мәліметтерді анықтау.

  Сарапшы нені зерттейді?

  • құжаттар (олардың деректемелері мен материалдары);
  • құжаттарды (толық немесе  жекелеген үзінділерін) дайындауға, не бұрын дайындалған құжаттарға өзгертулер енгізуге арналған құрылғылар;
  • құжаттар дайындауға,  не бұрын дайындалған құжаттарға өзгертулер енгізуге арналған заттар.

  Құжаттардың сот-техникалық сараптамасы қандай міндеттерді шешеді?

  • құжатты және оның жекелеген бөліктерін дайындау тәсілін анықтау;
  • құжаттың мазмұнын өзгерту фактісі мен тәсілін анықтау;
  • нашар көрінетін және көрінбейтін жазбаларды қалпына келтіру;
  • құжаттың бастапқы түрін анықтау;
  • құжаттың ықтимал дайындалу уақытын анықтау;
  • құжаттың дайындау, не мазмұнына, сондай-ақ оның орындаушысына өзгерістер енгізу үшін қолданылған құралдарды, жабдықтарды, керек-жарақтар мен материалдарды сәйкестендіру.